A célula, parte I.

 

Bó día! Hoxe entradiña no blog en Galego, xa que vou a explicar brevemente e dar un par de recursos para traballar a célula. En Galicia Bioloxía impártese en galego, de ahí que os recursos de esta materia, así cómo de Física e Química e Xeografía e Historia escribireinos sempre na nosa lingua nai. Vamos alá!!

A célula é a unidade básica de vida: todos os seres vivos estamos formados por elas. Según o número de células que forman a un ser vivo temos:

- Seres unicelulares, formados por unha soa célula.

Ser unicelular.

- Seres pluricelulares, formados por varias células.

As células están formadas por:

• Material xenético. Coñecido comúnmente como ADN, contén información necesaria para controlar o funcionamento da célula. O ADN duplícase e na reproducción  transmítese ás células fillas, o que lle da as mesmas características que a célula nai. Así, toda célula procede de outra, confromándose como a unidade mínima reprodutiva.
• Membrana plasmática. Envolve o contido da célula illándoo do medio externo.
• O citoplasma. Contén unha serie de orgánulos que realizan funcións específicas inmersos nunha substancia viscosa chamada citosol. Por tanto, podemos afirmar tamén que a célula é unha unidade fisiolóxica de funcionamento.

Existen dous tipos de células:

• Célula Procariota. Son células máis sinxelas e pequenas. Non teñen un núcleo que rodee o seu material xenético (ADN), polo que este ADN está disperso no citoplasma. O único orgánulo que posúen son os ribosomas, encargados de fabricar proteínas.

Célula Procariota.

• Célula Eucariota. Son de maior tamaño e complexidade. Teñen un núcleo ben definido no que está contido o material xenético (ADN). Posúen moitos orgánulos: ribosomas, mitocondrias, cloropastos...etc. 

          Temos dous tipos de células eucariotas:
          - Animal: realizan nutrición heterótrofa, é dicir, non son capaces de producir a súa propia materia orgánica.

Célula animal.

          - Vexetal: nutrición autótrofa, xa que as plantas por medio da fotosíntese nun orgánulo denominado cloropasto, fabrican a súa propia materia orgánica.

Célula vexetal.

Ata aquí a célula por hoxe. Noutra entrada veremos de forma máis concreta a teoría e o ciclo celular.

Espero que vos guste este post e vos axude a entender e repasar este tema tan importante na materia de Bioloxía.

Vero💋